اکتوبر،1991 میں بینک الحبیب ایک پبلک لمیٹڈ کمپنی کی حیثیت سے وجود میں آیا اور 1992 میں اس نے بینکاری کا عملی طور پر آغاز کیا۔ بانی حبیب گروپ کے پوتے مرحوم حامد ڈی۔حبیب، بینک الحبیب لمیٹڈ کے پہلے چیئر مین تھے۔ وہ 1954 سے حبیب بینک لمیٹڈ کے ڈائریکٹر اور 1971 سے لے کر بینک کو قومی ملکیت قرار دینے تک بینک کے چیئر مین کی حیثیت سے فائز رہے۔

مئی،2000 میں جناب حامد ڈی۔حبیب کی وفات کے بعد جناب علی رضا ڈی حبیب جو بورڈ کے ڈائریکٹر تھے، انہیں بینک کا چیئر مین مقرر کیا گیا اور وہ اکتوبر 2016 تک اسی عہدے پر فائز رہے۔ مرحوم راشد ڈی۔ حبیب، سال 1953 سے بینک کو قومی تحویل میں لیے جانے تک بینک الحبیب لمیٹڈ کے منیجنگ ڈائریکٹر اور چیف ایگزیکٹیومقرر ہوئے اور وہ اپنی وفات یعنی 1994تک اسی عہدے پر فائز رہے۔

اُن کی وفات کے بعد، جناب عباس ڈی۔ حبیب، جو جوائنٹ منیجنگ ڈائریکٹر تھے اور 1991یعنی بینک کے آغاز سے ہی وہ اس سے بہت قریبی وابستگی رکھتے تھے، انہیں بینک کا منیجنگ ڈائریکٹر اور چیف ایگزیکٹو مقرر کیا گیا۔ اب وہ بورڈ آف ڈائریکٹر ز کے چیئر مین کے اعلیٰ عہدے پر فائز ہیں جبکہ جناب منصور اے۔ خان کو یکم نومبر، 2016 سے چیف ایگزیکٹو کے عہدے پر فائز کر دیا گیا ہے۔

28سال کے مختصر عرصے میں بینک کے اثاثے 1 ٹریلین پاکستانی روپے سے زائد تک ہو چکے ہیں۔ اس کے علاوہ بینک کا نیٹ ورک 1150 سے زائد برانچوں، ذیلی برانچوں، سلطنت ِ بحرین، سیشیلز اور ملائیشیا میں ہول سیل برانچوں اور دبئی، استنبول،بیجنگ اور کینیا میں نمائندہ دفاتر پر مشتمل ہے۔